مەودا میدیا-

بەڕێوەبەرایەتی هاتوچۆی سلێمانی ئاشکرایکرد ئەو هاوڵاتییانەی دەست بەسەر ئۆتۆمبێلەکانیاندا گیراوە، دەتوانن وەری بگرنەوە، بە پێچەوانەوە سکراب دەکرێن.

بەڕێوەبەرایەتی گشتیی هاتوچۆی سلێمانی لە راگەیەندراوێکدا ئاماژەی بەوەکردووە دەست بەسەر 144 ئۆتۆمبێلی هاوڵاتییاندا گیراوە، لە رۆژی 9ی ئایارەوە بۆ ماوەی 15 رۆژ سەردانی هاتوچۆی سلێمانی بکەن بەمەبەستی وەرگرتنەوەی.

ئاماژە بەوەشکراوە هەر هاوڵاتییەک لەو بەروارەدا سەردان نەکات، ئۆتۆمبێلەکەی بە زیادکردنی ئاشکرا و بە سکراب دەفرۆشرێت.