مەودا میدیا-

 جێگری سەرۆك وەزیرانی هەرێمی كوردستان سەردانی  كۆماری ئەرمینیا دەکات و باس لەوەش دەکرێت سەردانەکەی بە مەبەستی كەڵك وەرگرتن لە ئەزموونی ئەو وڵاتە لە كەرتە جۆربەجۆرەكانی ئای تی و خوێندنی پیشەیی و پەرەپێدانی توانای گەنجانی  دەبێت.


وتەبێژی قوباد تاڵەبانی، جێگری سەرۆك وەزیرانی هەرێمی كوردستان دەڵێت "سەردانەکەی جێگری سەرۆك وەزیرانی هەرێمی كوردستان سێ رۆژ دەبێت کە ئەمڕۆ 14/5 دەستپێدە‌كات" و دەشڵێت "قوباد تاڵەبانی زنجیرەیەک کۆبوونەوە لەگەڵ گەورە لێپرسراوانی ئەرمینیا ئەنجامدەدات، لەهەمانکاتدا سەردانی چەند سەنتەرێکی ئەکادیمی و پیشەیی دەکات".


دەقی راگەیاندراوەکەی وتەبێژی قوباد تاڵەبانی :
قوباد تاڵەبانی سەردانی ئەرمینیا دەكات 

قوباد تاڵەبانی جێگری سەرۆك وەزیرانی هەرێمی كوردستان بەسەردانێكی فەرمی دەچێتە كۆماری ئەرمینیا بەمەبەستی كەڵك وەرگرتن لە ئەزموونی ئەو وڵاتە لە كەرتە جۆربەجۆرەكانی ئای تی و خوێندنی پیشەیی و پەرەپێدانی توانای گەنجان.

لەم سەردانە سێ رۆژییەدا کە ئەمڕۆ ١٤/٥ دەستپێدە‌كات، جێگری سەرۆک وەزیران زنجیرەیەک کۆبوونەوە لەگەڵ گەورە لێپرسراوانی ئەرمینیا ئەنجامدەدات، لەهەمانکاتدا سەردانی چەند سەنتەرێکی ئەکادیمی و پیشەیی دەکات.

لە سەردانەكەدا وەزیری پلاندانان د.دارا ڕەشید و سەرۆكی دیوانی ئەنجومەنی وەزیران ئومێد سەباح بەشدار دەبن.

ک. ر