مەودا میدیا-

ئەنجومەنی جیھانیی زێڕ رایگەیاندووە ئەمەریکا زۆرترین یەدەگی زێڕی ھەیە لەسەر ئاستی جیھان و بە 8 ھەزار تۆن و 133 کیلۆگرام لە ریزبەندی یەکەمی وڵاتاندایە، ئەڵمانیاش بە 3 ھەزار تۆن و 362 کیلۆگرام لە پلەی دووەمدا ماوەتەوە.

ئەنجومەنی جیھانیی زێڕ دەڵێت "بانکی ناوەندی عیراق توانیوویەتی بەرگری لە ریزبەندی خۆی بکات لە چوارچێوەی ئەو وڵاتانەی زۆرترین یەدەگی زێڕیان ھەیە، لەو خشتەیەی ئەنجومەنی جیھانیی زێڕدا ھاتووە عیراق لە پلەی 38 ھەمینی ئەو 100 وڵاتەی جیھانە".

باس لەوەش دەدکات "لەسەر ئاستی وڵاتانی عەرەبیش، عیراقیش پلەی پێنجەمی ریزبەندییەکەی گرتووە لە بوونی زۆرترین یەدەگی زێڕدا و خاوەنی 96 تۆن و 300 کیلۆگرامە".

ک. ر