مەودا میدیا- 

رۆژنامەی وۆڵ ستریت جورناڵی ئەمەریكی بڵاویكردەوە ژمارەیەك كۆمپانیای دەرمان و تاقیگەی حكومی كاردەكەن بۆ پەرەپێدانی چەند ڤاكسینێكی دژە كۆرۆنا نوێ و جیاواز.

 ئەو رۆژنامەیە باس لەوەش دەکات "ئەو ڤاکسینە وەك حەب یاخود بەخاخی لوت بەكاردەهێنرێت و هەڵگرتنی ئاسان دەبێت بەراورد بەو ڤاكسینانەی ئێستا هەیە".

 ئاماژە بەوەش دەکات "ئەو ڤاکسینە توانای دابینكردنی بەرگریی هەیە كە ماوەیەكی زیاتر بمێنێتەوە و زیاتر چالاك بێت دژە جۆرە نوێیەكانی ڤایرۆسی كۆرۆنا".

رۆژنامەی وۆڵ ستریت جورناڵ روونیشی دەکاتەوە "دوو ڤاكسین هەیە پەرەی پێدەدرێت وەك حەب لە رێگەی قووتدانەوە بەكاردەهێنرێت و حەوت پێكهاتەی دیكەش هەیە كە وەك بەخاخی لوت بەكاردەهێنرێت و پێدەچێت لە كۆتایی ئەمساڵ یاخود ساڵی داهاتوو بەرهەمبهێندرێت".

ک. ر