مەودا میدیا-

ئەندامێکی ئەنجومەنی نوێنەرانی عیراق ئاشکرایکرد سەرۆک وەزیرانی عیراق بە وەکالەت وەزارەتی تەندروستی بەڕێوەدەبات، بەهۆی ئەوەی نایەوێت گۆڕانکاری لە کابینەکەیدا بکات.

بۆ ئاگاداربوون لە هەواڵی نوێ و نەبیستراو، جۆینی مەودا میدیا بە لە تیلیگرام

جەمال فاخیر, ئەندامی ئەنجومەنی نوێنەرانی عیراق لە هاوپەیمانیی سائیرون بە میدیاکانی عیراقی راگەیاندووە "پاش ئەوەی بەهۆی رووداوی ئاگر کەوتنەوەکەی نەخۆشخانەی ئیبن خەتیب وەزیری تەندروستی دەستی لەکارکێشایەوە، مستەفا کازمی, سەرۆک وەزیرانی عیراق بە وەکالەت دەبێتە وەزیری تەندروستی و دەیەوێت خۆی بەڕێوەی ببات".

ئاماژەی بەوەشکرد "کازمی نایەوێت لەئێستادا هیچ گۆڕانکارییەک لە کابینەکەیدا بکات، بەهۆی ئەوەی تەمەنی ئەم کابینەی ئێستای عیراق بەرەو کۆتایی دەڕوات و هەڵبژاردنی ئەنجومەنی نوێنەران نزیک دەبێتەوە".

پ.ح