مەودا میدیا-

جێگری سەرۆکی حکومەتی هەرێمی کوردستان لەمیانەی کۆبوونەوەی لەگەڵ  كۆنسوڵی گشتی ئه‌ڵمانیا لە هەولێر ئاشکرایکرد هەفتەی داهاتوو شاندی دانوستانکاری حکومەتی هەرێمی کوردستان سەردانی بەغدا دەکات.

ئەمڕۆ چوارشەممە 19ی ئایاری 2021 قوباد تاڵەبانی، جێگری سەرۆکی حکومەتی هەرێمی کوردستان له‌گه‌ڵ كۆنسوڵی گشتی ئه‌ڵمانیا لە هەولێر كۆبووه‌وه‌ و په‌یوه‌ندییه‌كانی نێوان هه‌رێمی كوردستان و حكومه‌تی عیراق تاوتوێ کران.

له‌ كۆبوونه‌وه‌كه‌دا قوباد تاڵه‌بانی رایگەیاند "دوای تێپه‌ڕاندنی یاسای بودجه‌ی 2021 په‌یوه‌ندییه‌كانی نێوان هه‌رێمی کوردستان و به‌غدا له‌ ئاستێكی زۆر باشدایه‌".

ئاماژەی بەوەشکرد "هه‌فته‌ی داهاتوو شاندی دانوستانكاری هه‌رێمی کوردستان سه‌ردانی به‌غدا ده‌كاته‌وه‌ بۆ دیاریكردنی میكانیزمه‌كانی جێبه‌جێكردنی یاسای بودجه‌".

س.س