مەودا میدیا-

هێـزی پێشمەرگەی کوردستان سەر بە حزبی دیموکرات رایگەیاند بەهۆی دروستبوونی ئاڵۆزی لەگەڵ سوپای پاسداران، دوو پێشمەرگەیان شەهیدبوون، هەروەها تەواوی پێشمەرگەکانی دیکە شوێنەکەیان بەجێهێشتووە و ژمارەیەک پاسدار کوژراون.

دەزگای فەرماندەیی هێزی پێشمەرگەی کوردستان سەر بە حزبی دیموکرات لە راگەیەندراوێکدا ئاماژەی بەوەکرد، لە ئەنجامی تێکهەڵچوونی پێشمەرگەکانیان لەگەڵ هێزەکانی سوپای پاسداران لە رێگای مەهاباد-بۆکان، دوو پێشمەرگە بە ناوەکانی ئەنوەر نەسیری چیانە، سوهراب خەدیری، ئەندامی رێکخستنی نهێنی ئەو حزبە کە وەک پێشمەرگەی شار ناوی هاتووە، هەر دووكیان خەڵکی مەهابادن و شه‌هید بوون.

ئاماژە بەوەشکراوە، چەند ئەندامێكی سوپای پاسداران کوژراون، ته‌واوی پێشمەرگەکانی دیكه‌ش شوێنی تێکهەڵچوونەکەیان بەجێهێشتووە.

پ.ح