مەودا میدیا- سازگار ئەحمەد

ئێوارەی ئەمڕۆ تەرمی ژنێک کە شوێن فیشەک بە جەستەیەوە بووە لە قەزای بەردەڕەشی سەر بە پارێزگای دهۆک دۆزرایەوە، بە مەبەستی لێکۆڵینەوە تەرمەکەی رەوانەی پزیشکی دادی دهۆک کراوە.

جۆین بە بە تیلیگرامی مەودا میدیاوە، زانیاری زیاتر 

هێمن سلێمان، وتەبێژی پارێزگای دهۆک بە مەودا میدیای راگەیاند "ئێوارەی ئەمڕۆ دووشەممە 24ی ئایاری 2021 تەرمی ژنێک کە شوێن فیشەک بە جەستەیەوە بووە لە قەزای بەردەڕەشی سەر بە پارێزگای دهۆک دۆزرایەوە".

ئاماژەی بەوەشکرد "ناسنامەی ژنەکە نەناسراوەتەوە، بەڵام پێدەچێت تەمەنی لە نێوان 30 بۆ 35 ساڵیدا بێت، بۆیە بە مەبەستی لێکۆڵینەوەی زیاتر تەرمی ژنەکە رەوانەی پزیشکی دادی دهۆک کراوە".

س.س