مەودا میدیا- سازگار ئەحمەد

شەوی رابردوو لە شەقامی 20 مەتری گەڕەکی هەڤاڵانی شاری هەولێر پێکدادان لە نێوان ئۆتۆمبێلێک و ماتۆڕسکیلێکدا روویدا، لە ئەنجامدا شۆفێری ماتۆڕسکیلەکە گیانی لەدەستدا و سەرنشینەکەش بە سەختی برینداربوو.

فازڵ حاجی، وتەبێژی هاتوچۆی هەولێر بە مەودا میدیای راگەیاند "شەوی رابردوو لە شەقامی 20 مەتری گەڕەکی هەڤاڵان پێکدادان لەنێوان ماتۆڕسکیلێک و تویوتایەکی مێک زەمین روویدا، لە ئەنجامدا شوفێری ماتۆڕسکیلەکە گیانی لەدەستدا و سەرنشینەکەش بەسەختی بریندار بوو".

وتەبێژی هاتوچۆی هەولێر ئەوەشی خستەڕوو "هۆکاری رووداوەکە هەوڵی تێپەڕاندنی هەڵەی مێک زەمین بوو لە ئۆتۆمبێلێکی پێشی بەبێ لەبەر چاوگرتنی سایدی بەرانبەر".

https://www.facebook.com/fizel.hijee/videos/4090649844311104

س.س