مەودا میدیا-

سەرکونسوڵی ئێران لە سلێمانی ئاشکرایکرد، ئاڵوگۆڕی بازرگانی نێوان عیراق و ئێران دەگاتە 20 ملیار دۆلار، هەروەها سنوورەکانی هەرێمی کوردستان چالاکترین سنوورن بۆ ئاڵوگۆڕی بازرگانی هەناردە و هاوردە.

مەهدی شوشتەری، سەرکونسوڵی کۆماری ئیسلامیی ئێران لە سلێمانی له کۆنگرەیەکی رۆژنامەوانیدا رایگەیاند، "ئێران گرنگی زۆر بە هاوکاری بازرگانی, ئابووری و سیاسی لەگەڵ وڵاتانی دراوسێ دەدات، عیراق یەک هەزار و 450 کم سنوری هابەشی لەگەڵ ئێران هەیە و دووەمین هاوبەشی بازرگانیی ئێرانە لەدوای چین، ئاڵوگۆڕی بازرگانی نێوان عیراق و ئێران دەگاتە 20 ملیار دۆلار".

 

ئاماژەی بەوەشکرد، "سنوورەکانی هەرێمی کوردستان لەگەڵ ئێران چالاکترین سنوورن بۆ ئاڵوگۆڕی بازرگانی هەناردە و هاوردەی کەلوپەل و خۆراک".

پ.ح