مەودا میدیا-

بەهۆی دروستبوونی شەڕ و پێکدادان لەنێوان هێزەکانی سوپای تورکیا و گەریلاکانی پەکەکە، دوو هاوڵاتی شوان لە سنووری زاخۆ لە پارێزگای دهۆک برینداربوون، برینی یەکێکیان سەختە.

جۆینی مەودا میدیابە لە تیلیگرام بۆ زانینی هەواڵی نوێ و بەپەلە

بەپێی زانیارییەکان بەرەبەیانی ئەمڕۆ چوارشەممە 26ی ئایاری 2021 بەهۆی دروستبوونی شەڕ و پێکدادان لەنێوان سوپای تورکیا و چەکدارانی پارتی کرێکارانی کوردستان، فڕۆکە جەنگییەکانی تورکیا بەچڕی گوندەکانی سنووری زاخۆیان بۆردومان کردووە و چەند پێگەیەکی سەربازیشییان لە ناوچەکە کردووەتەوە.

هەر بەپێی زانیارییەکان لە ئەنجامی بۆردومانی فڕۆکە جەنگییەکانی تورکیا دوو هاوڵاتی شوان کە بران برینداربوونە و یەکییان برینەکەی سەختە و لەژێر چاودێری چڕی پزیشکیدایە.

پ.ح