مەودا میدیا-

پەروەردەی سلێمانی ئاشکرایکرد بەهەموو شێوەیەک گەشت و سەیرانی نێوەندەکانی خوێندن رێگە پێنەدراوە، بڕیارەکە سەرجەم قوتابخانە حکومی و تایبەتەکان بەبێ جیاوازی دەگرێتەوە.

بەڕێوەبەرایەتیی گشتیی پەروەردەی سلێمانی لە راگەیەندراوێكدا ئاماژەی بەوەکرد، رێگە بە گەشت و سەیرانی نێوەندەكانی خوێندن نادرێت، دیاردەیەك درووستبووە بەناوی گەشتیی زانستیی یان گەشتیی خۆشیی كە هەندێك خوێندنگە دەیانەوێت بۆ خوێندكارانی ساز بكەن ئێمە لە بەڕێوەبەرایەتیی گشتیی پەروەردەی سلێمانی جگە لەوەی لەم دۆخی تەندروستییەدا و لەبەر رێكارەكانی خۆپارێزیی و لەفەرمانە وەزارییەكاندا هاتووە هەموو گەشت و كۆڕ و كۆبوونەوەیەك رێگە پێنەدراوە.

ئاماژە بەوەشکراوە، بڕیارەکە سەرجەم قوتابخانە حکومیی و تایبەتەکان بەبێ جیاوازی دەگرێتەوە.

پ.ح