مەودا میدیا-

هەریەک لە سەرۆکی ئەنجومەنی وەزیران، سەرۆک کۆمار، سەرۆکی ئەنجومەنی نوێنەرانی عیراق رایانگەیاند، "هەڵبژاردنە پێشوەختەکەی ئەنجومەنی نوێنەرانی عیراق لە وادەی خۆیدا ئەنجامدەدرێت، هەمووان کۆکین سەبارەت بە رووداوەکانی ئەم دواییەی عیراق و بێگومان کاریگەری نەرێنییان دەبێت لەسەر هەوڵە نیشتمانییەکان".

هەریەک لە مستەفا کازمی، سەرۆکی ئەنجومەنی وەزیران، بەرهەم ساڵح، سەرۆک کۆمار و محەمەد حەلبوسی، سەرۆکی ئەنجومەنی نوێنەرانی عیراق لە راگەیەندراوێکی هاوبەشدا ئاماژەیان بەوەکرد، "هەمووان کۆکین سەبارەت بە رووداوەکانی ئەم دواییەی عیراق و بێگومان کاریگەری نەرێنییان دەبێت لەسەر هەوڵە نیشتمانییەکان بۆ بەدیهێنانی ئارامیی و ئاسایش و پاراستنی شکۆی دەوڵەت و سەروەریی وڵات، بۆ دەرچوون لەم قەیرانانە ئەنجامدانی هەڵبژاردنێکی دادپەروەرانە تاکە چارەسەرە".

ئاماژەیان بەوەشکردووە، "بێگومان هەڵبژاردنی پێشوەختەی ئەنجومەنی نوێنەرانی عیراق لە وادەی خۆیدا ئەنجامدەدرێت و هیچ هەوڵیک بۆ دواخستنی یاخود شکست پێهێنانی سەرکەوتوو نابێت".

پ.ح