مەودا میدیا-

لە چەند رۆژی رابردوودا کۆڵبەرێکی گەنج لەکاتی کۆڵبەریدا لە سنوورەکانی شاری سەرپێڵی زەهاوی سەر بە پارێزگای کرماشان بە تەقەی هێزە چەکدارەکانی ئێران کوژرا.

رێکخراوی مافی مرۆڤی هەنگاو بڵاویکردووەتەوە، رۆژی چوارشەممە 26ی ئایاری 2021 هێزە چەکدارەکانی ئێران لە سنووری "تەنگ حەمام"ی سەرپێڵی زەهاو تەقەیان لە کۆڵبەران کردووە و لە ئاکامدا کۆڵبەرێکی گەنج گیانی لەدەستداوە.

پەیامنێری هەنگاو لە شاری سەرپێڵی زەهاو رایگەیاندووە، ئەو کۆڵبەرە ناوی "قوباد رەحمانی" تەمەنی 28 ساڵە و خەڵکی ئاوای رەمکە، هەروەها بەپێی وتەی سەرچاوەیەکی ئاگادار، هێزە ئەمنییەکان بە بێ هیچ ئاگادار کردنەوە و وریا کردنەوەیەک تەقەیان لەو کۆڵبەرە کردووە.

س.س