مەودا میدیا-

به‌ڕێوه‌به‌رایه‌تیی فڕۆكه‌خانه‌ی نێوده‌وڵه‌تی هه‌ولێر له‌بارەی وه‌رگرتنی 150 دۆلار له‌ پێشمه‌رگه‌یه‌كی خاوه‌ن پێداویستیی تایبه‌ت كه‌ له‌ رێگه‌ی فڕۆكه‌خانه‌ی نێوده‌وڵه‌تی هه‌ولێر گه‌شتیكردووه‌، لیژنه‌ی لێكۆڵینه‌وه‌ پێكده‌هێنێت.

لە راگەیەندراوێکدا فڕۆكه‌خانه‌ی نێوده‌وڵه‌تی هه‌ولێر رایگەیاند "دوای بڵاوبوونه‌وه‌ی هه‌واڵی وه‌رگرتنی بڕی 150 دۆلار له‌ پێشمه‌رگه‌یه‌كی خاوه‌ن پێداویستیی تایبه‌ت، به‌ناوی (كامه‌ران مه‌حموود) له‌لایه‌ن كۆمپانیایه‌كی فڕۆكه‌وانی، ده‌ستبه‌جێ لیژنه‌یه‌كیان بۆ لێكۆڵینه‌وه‌ پێكهێناوه‌، دوای ته‌واوبوونی لێكۆڵینه‌وه‌، ئه‌نجامه‌كه‌ی بۆ رای گشتیی بڵاوده‌كه‌ینه‌وه‌".

ئەوەشخراوەتەڕوو "به‌وپێیه‌ی گه‌شتیاری خاوه‌ن پێداویستی تایبه‌ت، رێكاری تایبه‌ت به‌ خۆی بۆ دانراوه‌ سه‌باره‌ت به‌ سه‌رخستنی بۆ ناو فڕۆكه‌، بۆیه‌ ئه‌م ئه‌ركه‌ سپێردراوه‌ به‌ به‌شی (Ground Handling Service) و بڕی پاره‌ی دیاریكراویش بۆ سه‌رخستنی گه‌شتیاری خاوه‌ن پێداویستی تایبه‌ت بۆ ناو فڕۆكه‌، ده‌بێت هێڵه‌ ئاسمانییه‌كان بیده‌ن به‌ به‌شی (Ground Handling Service)، نابێت ئه‌‌و پاره‌یه‌ خودی گه‌شتیاره‌كه‌ بیدات".

س.س