مەودا میدیا-

ئەمڕۆ لە شارۆچکەی کرمەی بەنی سەعیدی سەر بە پارێزگای زیقار ژنێکی تەمەن 22 ساڵان هاوسەرەکەی لەکاتی خەودا دەخنکێنێت، لەکاتی لێکۆڵینەوەدا ژنەکە هۆکاری کوشتنی هاوسەرەکەی ئاشکرا کردووە.

بەپێی هەواڵێکی بڵاوکراوەی ماڵپەڕی سۆمەرییە نیوز، ئەمڕۆ یەکشەممە 30ی ئایاری 2021  لە شارۆچکەی کرمەی بەنی سەعیدی سەر بە پارێزگای زیقار ژنێکی تەمەن 22 ساڵان هاوسەرە تەمەن 23 ساڵانەکەی لەکاتی خەودا بە ملپێچەکەی خۆی خنکاند.

ئاماژە بەوەشکراوە، ژنەکە لەکاتی لێکۆڵینەوەدا دانی بە تاوانەکەدا ناوە و رایگەیاندووە، شەوی رابردوو لەگەڵ هاوسەرەکەی بووە بە شەڕیان و بە دار لێیداوە، بۆیە ئەویش لەکاتی خەودا خنکاندوویەتی.

س.س