مەودا میدیا-

وەزارەتی دارایی و ئابووری حکومەتی هەرێمی کوردستان دەست بە دابەشکردنی مووچەی سەرجەم وەزارەتەکان دەکاتەوە، لەماوەی یەک هەفتەدا کۆتایی بە دابەشکردنی مووچە دێت.

بەپێی زانیارییەکانی مەودا میدیا سەرەتای هەفتەی داهاتوو رۆژی یەکشەممە 6ی حوزەیرانی 2021 دەست بە دابەشکردنی مووچەی مانگی ئایاری فەرمانبەران دەکرێتەوە پاش ئەوەی بەهۆی هەندێک کێشەی تەکنیکییەوە دابەشکردنی مووچە دواکەوت.

لەماوەی یەک هەفتەدا کۆتایی بە دابەشکردنی مووچە دێت و رۆژی پێنجشەممە 10ی حوزەیرانی 2021 کۆتا رۆژی دابەشکردنی مووچە دەبێت و سەرجەم وەزارەتەکان مووچە وەردەگرن.

پ.ح