مەودا میدیا-

کۆمەڵگەی دەروازەی نێودەوڵەتی حاجی ئۆمەران دەستگیرکردنی سێ باندی بازرگانی بە مادەی هۆشبەری راگەیاند و تۆمەتبارەکان بەپێی مادە 25ی یاسای مادە هۆشبەرکان پەڕاوی لێکۆڵینەوەی بۆ کراوەتەوە.

بەڕێوەبەرایەتیی گشتیی نەهێشتنی مادە هۆشبەرەکان لەگەڵ بنکەی نەهێشتنی مادە ھۆشبەرەکانی دەروازەی نێودەولەتی حاجی ئۆمەران لە سێ چالاکی جیاوازدا توانیان سێ باندی بازرگانی مادە هۆشبەرەکان دەستگیربکەن، هەروەها دەستیشگیراوە بەسەر:

1- دەستبەسەرداگرتنی بڕی 16 کیلۆ گرام لە جۆری تلیاك لەگەڵ دەستگیرکردنی تۆمەتبارێک.

2- دەستبەسەرداگرتنی بڕی 339 شیت حەبی هۆشبەر لە جۆری ترامادۆڵ و بڕی 50 گرام کریستاڵ لەگەڵ دەستگیرکردنی تۆمەتبارێك.

3- دەستبەسەرداگرتنی بڕی 93 دانە حەبی هۆشبەری  B2 و بڕی 72 دانە حەبی کلۆنازپام  و بڕی 42 دانە حەبی الپرۆزولام لەگەڵ دەستگیرکردنی تۆمەتبارێك کە کەرەستەکان لەناو پانتۆلی خۆیدا شاردبووەوە. 

ئاماژە بەوەشکراوە، تۆمەتبارەکان بەپێی مادەی 25ی یاسای مادە هۆشبەرکان پەڕاوی لێکۆڵینەوەی بۆ کراوەتەوەو رەوانەی بەردەم دادوەری لێکۆڵینەوە کران".

س.س