مەودا میدیا- سازگار ئەحمەد

کەمێک پێش ئێستا ئاگرێکی گەورە لە کەمپی ئاوارەکانی شنگال لە کۆمەڵگەی شاریا لە پارێزگای دهۆک بە هۆکارێکی نادیار کەوتووە تاوەکو ئێستا ئاگرەکە بەردەوامی هەیە.

بێوار عەبدولعەزیز، وتەبێژی بەرگریی شارستانی دهۆک بە مەودا میدیای راگەیاند "کەمێک پێش ئێستا ئاگرێکی گەورە لە کەمپی ئاوارەکانی شنگال لە کۆمەڵگەی شاریا لە پارێزگای دهۆک کەوتەوە".

ئاماژەی بەوەشکرد "ئاگرەکە کۆنتڕۆڵنەکراوە و تیمەکانمان لەئێستادا سەرقاڵی کۆنتڕۆڵکردنی ئاگرەکەن، هەروەها لیژنەیەکمان پێکهێناوە بۆ زانینی هۆکاری روودانی ئاگرەکە".

لەبارەی زیانەکانی ئاگرەکەوە  وتەبێژی بەرگریی شارستانی دهۆک وتی "بەهۆی ئەوەی ئاگرەکە کۆنتڕۆڵنەکراوە تائێستا زیانەکانی نەزانراوە".

س.س