مەودا میدیا-

وەزیرى کشتوکاڵی عیراق ئاشکرایکرد، گەیشتوونەتە لێکتێگەیشتنێک لەگەڵ هەرێمى کوردستان سەبارەت بە چەند کێشەیەکی رابردوو، لەگەڵ هەرێمی کوردستان بڕى پێویستى بەرهەمى ئاژەڵیش بەردەست دەبێت، بەهۆی ئەوەی بەڕێژەى 30% بەرهەمهێنانى عیراق لە هەرێمی کوردستانەوەیە.

محەمەد کەریم خەفاجى، وەزیرى کشتوکاڵی عیراق بە میدیا عیراقییەکانی راگەیاند، پاش سەردانەکەیان بۆ هەرێمى کوردستان خشتەیەکى کشتوکاڵى نوێیان بۆ رێککەوتن لەگەڵ هەرێمدا داناوە بۆ ئاڵوگۆڕکردنى بەروبوومە کشتوکاڵیەکان لە باکوورەوە بۆ باشوور بەپێى وەرزى بەرهەمهێنانیان، هەروەها لەگەڵ هەرێم گەیشتوونەتە رێککەوتن لەسەر کۆنترۆڵکردنی خاڵە سنوورییەکان و رادەستکردنی بەرهەمە کشتوکاڵییەکان.

ئاماژەی بەوەشکردووە، لەگەڵ هەرێمی کوردستان بڕى پێویستى بەرهەمى ئاژەڵیش بەردەست دەبێت، بەهۆی ئەوەی بەڕێژەى 30% بەرهەمهێنانى عیراق لە هەرێمی کوردستانەوەیە.