مەودا میدیا-

وەزارەتی کشتوکاڵ و سەرچاوەکانی ئاوی حكومەتی هەرێمی کوردستان بڕیاریدا بە دیاریکردنی نرخی کڕینەوەی گەنمی جوتیاران لە دەرەوەی پرۆسەی وەرگرتنی گەنم لە لايەن عيراق، لە سایلۆکانی هەرێمی کوردستان بەپێی ئەو گرێبەستەی کە ئەنجامدراوە لەگەڵ هەردوو کۆمپانیای خۆشناو و قەیوان.

بەپێی فەرمانی وەزاری ژمارە (3750) لە رێکەوتی 6ی حوزەیرانی 2021 بە واژۆی بێگەرد تاڵەبانی, وەزیری کشتوکاڵ و سەرچاوەکانی ئاوی حكومەتی هەرێمی کوردستان دەرچووە، بەپێی رێکەوتنی نێوان هەردوو کۆمپانیا و وەزارەتی کشتوکاڵ، نرخی کڕینەوەی گەنمی جوتیاران بۆ ئەم ساڵ دیاریکراوە، هاوپێچ زانیاری زیاتر لەسەر پرۆسەی وەرگرتن و کڕینەوەی گەنم ئاماژەی پێکراوە لە (5) خاڵدا.

ئەم بڕیارە یەکێکە لە هەنگاوە گرنگەکانی پرۆژەی ستراتیژی و نیشتیمانی بەبازاڕکردنی گەنمی جوتیاران لەسەرجەم پارێزگاکانی هەرێمی کوردستان کە راستەوخۆ لەلایەن بێگەرد تاڵەبانی، وەزیری کشتوکاڵ و سەرچاوەکانی ئاو، سەرپەرشتی و چاودێری دەکرێت.

س.س