مەودا میدیا

بەڕێوەبەرایەتی گشتی تەندروستی سلێمانی لە ڕێگە ڤیدیۆیەكەوە نیشانەكانی توشبوون بە كۆرۆنا و خۆپاراستنی بڵاوكردەوە.

كۆرۆنا بریتیە لەكۆمەلێك لەڤایرۆس و دەبێتە هۆی نەخۆشكەوتنی مرۆڤ وئاژەڵ و حەوت جۆری هەیە.

لەئێستادا ئەو ڤایرۆسە لە چین و چەند وڵاتێكی دیكەی جیهان بڵاوبۆتەوە و بەهۆیەوە ژمارەیەك قوربانی لێكەوتۆتەوە و بەهەزارانی دیكەش تووشی ئەو نەخۆشیە بوون.

دیارترین نیشانەكانی تووشبوون بە ڤایرۆسی كۆرۆنا بریتیە بەرزبونەوەی پلەی گەرمی و هەناسەتوندی و دروستبوونی ئاوی لوت و هەوكردنی قوڕگ و كۆئەندامی هەناسە و كۆكەی وشك و پژمین و ئازاری پەلەكان و ماسولەكەكان.

لای خۆیەوە، هێرش سەلیم، جێگری بەڕێوەبەری گشتی تەندروستی سلێمانی بە مەودا میدیای ڕاگەیاند، پێویستە هاوڵاتیان زۆر بە وریایەوە مامەڵە لەگەڵ كەسانی دەوروبەر بكەن و خۆیان لەو كەسانە بە دور بگرن كە گومانیان لەسەر.

ئەوەشی خستەڕوو، كۆرۆنا ڤایرۆسێكی مەترسیدارە، بە خێرایی بڵاودەبێتەوە، بەڵام تا ئێستا لە ناوچەكەی ئێمە بونی نییە و پشكنین بۆ هەموو ئەو كەسانە دەكرێت كە دێنە سنوری سلێمانی.

https://youtu.be/OYx0MM5Qanc