مەودا میدیا-

وتەبێژی بەڕێوەبەرایەتیی گشتیی پۆلیسی هەولێر رایگەیاند، بەهۆی سووتانی تانکەرێکی گازەوە گەنجێک گیانی لەدەستدا و کەسێکی دیکەش سووتا، رووداوەکە لە نزیک گوندی ئیتاڵی یەک بووە و بەهۆی بەتاڵکردنەوەی تانکەرەکەوە روویداوە.

هۆگر عەزیز، وتەبێژی بەڕێوەبەرایەتیی گشتیی پۆلیسی هەولێر بە مەودا میدیای راگەیاند، "درەنگانی شەوی رابردوو لە نزیک گوندی ئیتاڵی یەک بەهۆی سووتانی تانکەرێکی گازەوە گەنجێک گیانی لەدەستدا و کەسێکی دیکەش سووتا و رەوانەی نەخۆشخانەکرا".

ئاماژەی بەوەشکرد، "رووداوەکە بەهۆی بەتاڵکردنی تانکەرە گازەکەوە بووە بۆ مۆلیدەیەکی ئەهلی و پاش گەیشتنی تیمەکانی ئاگرکوژێنەوە، تواندرا بەماوەیەکی کەم ئاگرەکە کۆنترۆڵ بکرێت".

پ.ح