مەودا میدیا-

بەڕێوەبەرایەتیی گشتیی هاتوچۆی گەرمیان رایگەیاند، لە رووداوێکی هاتوچۆدا بەهۆی پێكدادانی دوو ئۆتۆمبێل، كەسێك گیانی لەدەستدا و كەسێكی دیکەش برینداربوو، لیکۆڵینەوەی تیمەکانی هاتوچۆ بەردەوامە.

بەڕێوەبەرایەتیی گشتیی هاتوچۆی گەرمیان ئەمڕۆ پێنجشەممە 10ی حوزەیرانی 2021 لە راگەیەندراوێکدا ئاماژەی بەوەکردووە، كاتژمێر 6:00ی ئێوارە لەنزیك ئیدارەی گەرمیان بەهۆی پێكدادانی دوو ئۆتۆمبێلی جۆری نیسان ماكزیما و جێب شیرۆکی، كەسێك گیانی لەدەستدا و كەسێكی دیکەش برینداربوو، ئەوەی گیانی لەدەستداوە سەرنشین بووە.

لە راگەیەندراوەکەدا باس لەوەشکراوە، رووداوەکە لە كاتێكدا بووە، كە ئۆتۆمبێلی جۆری نیسان ماكزیما لە رزگارییەوە هاتووە بە ئاراستەی كەلار، هەروەها جێب شیرۆکی ویستویەتی سوڕانەوە ئەنجامبدات، ئەو رووداوە دروست بووە، لەئێستادا لەلایەن تیمی هاتوچۆوە لێكۆڵینەوە لە رووداوەکە دەستیپێكردووە.

پ.ح