عیراقی

پێشینەی قەرزی کڕینی ئۆتۆمبیل بە هاوڵاتییان دەدرێت

مەودا میدیا - سلێمانی |


پێشینەی قەرزی کڕینی ئۆتۆمبیل بە هاوڵاتییان دەدرێت
مەودا میدیا-

بانکی رافدەینی سەر بە حکومەتی فیدڕاڵی لە بەغدا ئاشکرایکردووە پێشینەی قەرزی کڕینی ئۆتۆمبیل دەدەنە فەرمانبەرانی بەغدا و سەرجەم پارێزگاکانی دیکەی عیراق.

بەپێی هەواڵێکی بڵاوکراوەی ماڵپەڕی سۆمەریە نیوز، بانکی رافیدەین لە راگەیەندراوێکدا ئاماژەی بەوەکردووە "پێشینەیەك دەدرێت بەو فەرمانبەرانەی کە مووچەکانیان سەر بە بانکی رافیدەینە و لە رێگەی (کی کارد)ەوە وەری دەگرن، پێویستیشە ئەو فەرمانبەرانە پشتگیری فەرمانگەکەی بهێنێت بە مەبەستی سەلماندنی کارەکەی".

ئاماژە بەوەشکراوە "ئەو هاوڵاتییان و خانەنیشینانەی کە مووچەکانیان نەبەستراوە بە بانکی رافیدەینەوە، بۆ وەرگرتنی ئەو پێشینەیە دەبێت کەفیلێک کە مووچەی هەمیشەیی سەر بە حکومەتی هەبێت بهێنێت، هەروەها مانگانەش نیوەی مووچەکەی بە سوودەوە لێوەردەگیرێتەوە".

س.س