مەودا میدیا-

دوای ئەوەی بۆ ماوەی 18 ساڵ هاوسەرگیرییەكەیان بەردەوام بوو، لە شاری ئەدەنەی توركیا ژنێك بەبۆنەی جیابوونەوەی لە مێردەكەی ئاهەنگی گێڕا.

شەیلم ئۆلكۆلەر، ژنێكی تۆركە و ماوەی 18 ساڵە لەگەڵ مێردەكەیدا لە ناوچەی چوكوراوای شاری ئەدەنەی توركیا دەژیان، بەڵام بەبۆنەی جیابوونەوەی لە مێردەكەی لە باخچەیەكی نزیك ماڵەكەی ئاهەنگی گێڕا دوای ئەوەی چەندین جار دادگا داوای جیابوونەوەكەی رەتكردبووەوە.

ئەو ژنە كە خاوەنی دوو منداڵە وتی "من سەركەوتم و زۆر دڵخۆشم كە لە مێردەكەم جیابوومەوە دوای ئەوەی رۆژانێكی پڕ لە چەندین جۆر فشاری دەروونی، توندوتیژیی جەستەیی و بێبەشكردنم لە زۆر شتم بردەسەر".

س.س