عیماد ئەحمەد
عەلی شامار؛ دەروێشی كوردایەتی
ئەگەر گوێمان لەناوی نەبێت و تەنها تۆماری ژیانی سەیر بكەین، لە پاڵەوانی رۆمانەكان دەچێت، پاڵەوانێكی بزێو و ئیرادەخواز، پاڵەوانێك كە بەگژ قەدەرو چارەنوسدا دێتەوە، بەقوڕی نەهامەتی و عەرەقی ماندوێتی دیواری ژیان دروست بكات و بیەوێ بە هەنگاوەكانی نەخشەیەكی تازە لەسەر روخساری زەوی دروست بكات. ، بەڵام لەبری ئەوە قەدەری بوو ببێتە یەكێك لە پاڵەوانەكانی شاڕۆمانی كوردایەتی، شوێنپێی شەهابی (كەڵ ژیان)و ئارامی تێكۆشان هەڵگرت، قەدەری بوو لەبری ئاوەدانكردنەوەی دنیای خەیاڵ، ماڵی راستەقینەی خەبات و شۆڕشی نوێ ئاوەدانتر بكاتەوە.
عەلی شامار، کاراکتەرە جیاوازەکەی شۆڕش، چیرۆكی ژیانی لە كۆڵانە تەسكەكانی خانەفین بە كولەمەرگی و نەهامەتی دەست پێدەكات و دواتر دەبێتە یەكێك لە عاشقانی كوردایەتی. ئەو لای من هەمیشە لەدارخورمایەكی تەنیا و بالآبەرزی خانەقین، یان دارگوێزێكی بناری قەندیل دەچێت، چونكە ئەو خۆرسكانە خۆی پەروەردە كرد، بەتەنیا و لە ژێر باری قورسی ژیانێكی كولەمەرگی پێگەیشت، بەلآم كە لق و پۆپی لێ بوەوە، كاتێ سێبەری دروست كرد، بەوانی تری بەخشی!
خەڵكی خانەقین و هەموو ئەوانەی عەلی شامار لە نزیكەوە ئەناسن، ئەزانن، ئەو لە ئەزەلەوە نازی دایك و باوكی نەبینی، پشتی بە خوشك و برا قایم نەبوو، تەنانەت تامی جەژنێكی لەباوەشی دایك و باوكی نەکرد، لەبری ئەوە نەنكی و مامی لەمنداڵیەوە بەخێویان كرد و لە سایەی ئەوانەوە پێی گرت و گەورە بوو، ئیتر ئەزموونی تاڵی ژیان كردی بە تێكۆشەر و پێشمەرگەیەكی دێرینی یەكێتی و شۆڕشی نوێ.
كاك عەلی پیاوێكی سوور و سپی، قژكاڵی پڕ، برۆ ئەستور ،چاو تیژ ،دەست و مەچەك و بازوو ئەستور و ناوشان پان، كە سەیری ئەكەم وام بە خەیاڵدا دێت كە خوا بۆ پێشمەرگایەتی و یەكێتی دروستی كردوە.
عەلی شامار لە هەرزەكاریەوە خەریكی كارو كاسبی بوو، سەرەتا عەرەبانەیەكی دەستگێڕی هەبوو شتی لەسەر دەفرۆشت، دواتر كردی بە دوكان، لەو كاتەشەوە عەلی شامار تەنیا خەریكی فرۆشتنی میوەو سەوزە نەبوو، بەڵكو لە راستیدا خەریكی بڵاوكردنەوەی بیری كوردایەتی و پەیداكردنی دۆست و لانگر بوو بۆ كۆمەڵە. من لە ساڵ 1972 لە یەكێتی لاوانی خانەقین ئەوم ناسی كە ئەندامی لق بوو، لەهەمان كات ئەندامی كۆمەڵەش بوو، ئیتر بە یەكەوە خەباتمان لە جوارچێوەی كۆمەڵە دەكرد. کۆمەڵە یەكەم وێستگەی ناسینی من و ئەو بوو ، لەوێوە دەستمان پێكرد و تائێستاش ئەو پەیوەندیە گەرمەی نێوانمان هەر ماوە، سەرەڕای دۆخی تەندروستی بە تەلەفۆن هەواڵی دۆست و برادەرەكانی دەپرسێت و ئەوەندەی بۆی بكرێ دۆست و ھاوڕێ و خۆشەویستانی بەسەر دەكاتەوە.
وەكو ئێستا بیرمە لەشەوەزەنگی شكستی شۆڕشی ئەیلول و لە جەرگەی ئەو نائومێدیە تاڵەی بەسەر هەموو كوردێكی ئەم سەرزەمینەدا هات، عەلی شامار هەمیشە حەماسی كوردانەو نەبەزینی لێ دەباری، دوای دەستپێكردنەوەی شۆڕشی نوێ و دەنگۆی چوونەوە شاخ و بوون بە پێشمەرگە، پەلەی ئەوەی بوو چۆن پەیوەندی بەشۆڕش و ھێزی پێشمەرگەوە بكات، یەكەمین كەسیش بوو لەگەڵ كاك شێروان شێروەندی و شەهید ملازم جوامێر و عەلە رەش و کوڕەکەی شەهید ئازاد و شەهید مامۆستا داود و مەلا بەختیار لە ناوچەی خانەقینەوە بوون بە پێشمەرگە و شەرەفی پێشمەرگەی (76)یان پێ بەخشرا.
عەلی شامار كوڕی خانەقین و گەرمەسێر بوو، بەلآم عەشقی كوردایەتی، كردی بەپێشمەرگەی هەموو كوردستان، كە رووی لەپێشمەرگایەتی كرد، پەروەردەو شێوەزاری قسەكردن و داب و نەریتی خانەقینیی بوو، بەلآم لە قەندیل و شارەزور و شارباژێر پێشمەرگایەتی كردو قودرەتێكی باشی راهاتن و هەڵكردنی پەیداكرد، واتا لەكوێ بوایە بۆ ئەو كێشە نەبوو. بەدرێژایی ژیانی پێشمەرگایەتی عەلی شامار ئەركەكانی بەزیادەوە بەهەموو لایەنەكانیەوە جێبەجێكردو تەنانەت رۆژێك لە رێبازەكەی لاینەدا.
لە شۆڕشدا پیاوێكی ئازا بە هیمەت بوو، بەشداری چەندین داستان و نەبەردی كردوە، لە شەڕی دەستەویەخەی دێی سەی خەلیلی گەرمیان لەساڵی (1984) بە برینداری لەگەڵ ژمارەیەك پێشمەرگەی قارەمان سەرەڕای گەمارۆدانیان لەلایەن هێزێكی زۆرەوە بەرگریەكی بێ وێنە دەكەن و شكست بە هێزی دووژمن دێنن، بەڵام بە داخەوە لەو شەڕەدا مولازم رەحیم شەهید دەبێت و مامۆستا سۆران و شەهاب ئەحمەد عەتار بریندار دەبن و چوار كەسی بێ تاوانی كوندەكەش لە لایەن (بارق)ی فەرماندەی هێزەكەی دووژمن گولەباران دەكرێن.
داخ و هەزار حەیف ماوەیەكە بە هۆی نەخۆشییەكی نەگریسەوە بە جەستە لە هاورێكانی دوورە، بەلآم هەرگیز وەفا و قسە خۆشەكانی لە ئاسمانی خۆشەویستیدا ئاوا نابن.
دوای ئەو تێكۆشانە دور و درێژو بێ پسانەوەیە ، ئەركمانە وەكو یادگاریەكی نایابی سەردەمێكی زێڕٍین رێز لە كاك عەلی شامار و هاوشێوەكانی بگرین، بیانكەین بە سەرچاوەی ئیلهام و دەرس و پەند بۆ ئێستا و داهاتوومان، پێویستە هەمیشە ئاوڕی وەفا و ئەمەك لەو خەباتكارانەی خۆمان بدەینەوە.
عەلی شامار، کاراکتەرە جیاوازەکەی شۆڕش، چیرۆكی ژیانی لە كۆڵانە تەسكەكانی خانەفین بە كولەمەرگی و نەهامەتی دەست پێدەكات و دواتر دەبێتە یەكێك لە عاشقانی كوردایەتی. ئەو لای من هەمیشە لەدارخورمایەكی تەنیا و بالآبەرزی خانەقین، یان دارگوێزێكی بناری قەندیل دەچێت، چونكە ئەو خۆرسكانە خۆی پەروەردە كرد، بەتەنیا و لە ژێر باری قورسی ژیانێكی كولەمەرگی پێگەیشت، بەلآم كە لق و پۆپی لێ بوەوە، كاتێ سێبەری دروست كرد، بەوانی تری بەخشی!
خەڵكی خانەقین و هەموو ئەوانەی عەلی شامار لە نزیكەوە ئەناسن، ئەزانن، ئەو لە ئەزەلەوە نازی دایك و باوكی نەبینی، پشتی بە خوشك و برا قایم نەبوو، تەنانەت تامی جەژنێكی لەباوەشی دایك و باوكی نەکرد، لەبری ئەوە نەنكی و مامی لەمنداڵیەوە بەخێویان كرد و لە سایەی ئەوانەوە پێی گرت و گەورە بوو، ئیتر ئەزموونی تاڵی ژیان كردی بە تێكۆشەر و پێشمەرگەیەكی دێرینی یەكێتی و شۆڕشی نوێ.
كاك عەلی پیاوێكی سوور و سپی، قژكاڵی پڕ، برۆ ئەستور ،چاو تیژ ،دەست و مەچەك و بازوو ئەستور و ناوشان پان، كە سەیری ئەكەم وام بە خەیاڵدا دێت كە خوا بۆ پێشمەرگایەتی و یەكێتی دروستی كردوە.
عەلی شامار لە هەرزەكاریەوە خەریكی كارو كاسبی بوو، سەرەتا عەرەبانەیەكی دەستگێڕی هەبوو شتی لەسەر دەفرۆشت، دواتر كردی بە دوكان، لەو كاتەشەوە عەلی شامار تەنیا خەریكی فرۆشتنی میوەو سەوزە نەبوو، بەڵكو لە راستیدا خەریكی بڵاوكردنەوەی بیری كوردایەتی و پەیداكردنی دۆست و لانگر بوو بۆ كۆمەڵە. من لە ساڵ 1972 لە یەكێتی لاوانی خانەقین ئەوم ناسی كە ئەندامی لق بوو، لەهەمان كات ئەندامی كۆمەڵەش بوو، ئیتر بە یەكەوە خەباتمان لە جوارچێوەی كۆمەڵە دەكرد. کۆمەڵە یەكەم وێستگەی ناسینی من و ئەو بوو ، لەوێوە دەستمان پێكرد و تائێستاش ئەو پەیوەندیە گەرمەی نێوانمان هەر ماوە، سەرەڕای دۆخی تەندروستی بە تەلەفۆن هەواڵی دۆست و برادەرەكانی دەپرسێت و ئەوەندەی بۆی بكرێ دۆست و ھاوڕێ و خۆشەویستانی بەسەر دەكاتەوە.
وەكو ئێستا بیرمە لەشەوەزەنگی شكستی شۆڕشی ئەیلول و لە جەرگەی ئەو نائومێدیە تاڵەی بەسەر هەموو كوردێكی ئەم سەرزەمینەدا هات، عەلی شامار هەمیشە حەماسی كوردانەو نەبەزینی لێ دەباری، دوای دەستپێكردنەوەی شۆڕشی نوێ و دەنگۆی چوونەوە شاخ و بوون بە پێشمەرگە، پەلەی ئەوەی بوو چۆن پەیوەندی بەشۆڕش و ھێزی پێشمەرگەوە بكات، یەكەمین كەسیش بوو لەگەڵ كاك شێروان شێروەندی و شەهید ملازم جوامێر و عەلە رەش و کوڕەکەی شەهید ئازاد و شەهید مامۆستا داود و مەلا بەختیار لە ناوچەی خانەقینەوە بوون بە پێشمەرگە و شەرەفی پێشمەرگەی (76)یان پێ بەخشرا.
عەلی شامار كوڕی خانەقین و گەرمەسێر بوو، بەلآم عەشقی كوردایەتی، كردی بەپێشمەرگەی هەموو كوردستان، كە رووی لەپێشمەرگایەتی كرد، پەروەردەو شێوەزاری قسەكردن و داب و نەریتی خانەقینیی بوو، بەلآم لە قەندیل و شارەزور و شارباژێر پێشمەرگایەتی كردو قودرەتێكی باشی راهاتن و هەڵكردنی پەیداكرد، واتا لەكوێ بوایە بۆ ئەو كێشە نەبوو. بەدرێژایی ژیانی پێشمەرگایەتی عەلی شامار ئەركەكانی بەزیادەوە بەهەموو لایەنەكانیەوە جێبەجێكردو تەنانەت رۆژێك لە رێبازەكەی لاینەدا.
لە شۆڕشدا پیاوێكی ئازا بە هیمەت بوو، بەشداری چەندین داستان و نەبەردی كردوە، لە شەڕی دەستەویەخەی دێی سەی خەلیلی گەرمیان لەساڵی (1984) بە برینداری لەگەڵ ژمارەیەك پێشمەرگەی قارەمان سەرەڕای گەمارۆدانیان لەلایەن هێزێكی زۆرەوە بەرگریەكی بێ وێنە دەكەن و شكست بە هێزی دووژمن دێنن، بەڵام بە داخەوە لەو شەڕەدا مولازم رەحیم شەهید دەبێت و مامۆستا سۆران و شەهاب ئەحمەد عەتار بریندار دەبن و چوار كەسی بێ تاوانی كوندەكەش لە لایەن (بارق)ی فەرماندەی هێزەكەی دووژمن گولەباران دەكرێن.
داخ و هەزار حەیف ماوەیەكە بە هۆی نەخۆشییەكی نەگریسەوە بە جەستە لە هاورێكانی دوورە، بەلآم هەرگیز وەفا و قسە خۆشەكانی لە ئاسمانی خۆشەویستیدا ئاوا نابن.
دوای ئەو تێكۆشانە دور و درێژو بێ پسانەوەیە ، ئەركمانە وەكو یادگاریەكی نایابی سەردەمێكی زێڕٍین رێز لە كاك عەلی شامار و هاوشێوەكانی بگرین، بیانكەین بە سەرچاوەی ئیلهام و دەرس و پەند بۆ ئێستا و داهاتوومان، پێویستە هەمیشە ئاوڕی وەفا و ئەمەك لەو خەباتكارانەی خۆمان بدەینەوە.
وتارەکانی تری نووسەر
