مه‌ودا میدیا-

كۆبوونه‌وه‌ی ئه‌نجومه‌نی سه‌ركردایه‌تی گشتی یه‌كێتیی نیشتمانیی كوردستان كۆتایی هات و بڕیاره‌ سبه‌ی كۆبوونه‌وه‌كه‌ درێژه‌ی هه‌بێت بۆ په‌سه‌ندكردنی هه‌مواری په‌یڕه‌وی ناوخۆی یه‌كێتی.

ئێواره‌ی ئه‌مڕۆ شه‌ممه‌ 1ی شوباتی 2020 دووه‌م كۆبوونه‌وه‌ی ئه‌نجومه‌نی سه‌ركردایه‌تی گشتی یه‌كێتی كۆتاییهات كه‌ تایبه‌تبوو به‌ گفتوگۆكردن له‌باره‌ی په‌سه‌ندكردنی مادده‌ و بڕگه‌كانی په‌یڕه‌وی ناوخۆی یه‌كێتی، بڕیاریشه‌ سبه‌ی 2ی شوبات بۆ هه‌مان مه‌به‌ست كۆبوونه‌وه‌كه‌ درێژه‌ی هه‌بێت.

پێشتر مسته‌فا چاوڕه‌ش، ئه‌ندامی ئه‌نجومه‌نی سه‌ركردایه‌تی گشتی یه‌كێتی ئه‌وه‌ی بۆ مه‌ودا میدیا خسته‌ڕوو " مه‌رج نیه‌ به‌ 1 كۆبوونه‌وه‌ گفتوگۆ و ده‌نگدان له‌سه‌ر په‌یڕه‌وی ناوخۆی یه‌كێتیی نیشتمانیی كوردستان ته‌واوبێت، به‌ڵام ئه‌وه‌ی گرنگ بێت بۆ داهاتوو گفتوگۆی له‌سه‌ر ده‌كه‌ین و بڕیاری له‌سه‌ر ده‌ده‌ین".