مەودا میدیا-

راگەیاندن و پەیوەندییەکانی دەروازەی نێودەوڵەتی حاجی ئۆمەران ئاگاداریی سەرجەم ئەو گەشتیارانە دەکاتەوە کە لە رێگەی ئەو مەرزەوە گەشت ئەنجام دەدەن بۆ وڵاتی ئێران و ئاماژە بەوەدەکات پێویستە گەشتیاران پشکنینی ڤایرۆسی کۆرۆنایان پێبێت و ئەنجامەکەشی نەگێتیڤ بێت.

لە راگەیەندراوەکەدا هاتووە "ئاگاداریی هەموو هاوڵاتییان و گەشتیارانی بەڕێز و خۆشەویستی هەرێمی کوردستان دەکەین، ئەوانەی کە بە نیازن لە رێگەی دەروازەی نێودەوڵەتی حاجی ئۆمەرانەوە گەشت و سەردانی کۆماری ئیسلامی ئێران بکەن پێویستە بڕوانامەی پشکنینی کۆرۆنا (ئەنجامی نێگەتیف ) لەگەلیان دابێت. بە پێچەوانەوە هەر هاوڵاتی یان گەشتیارێک بڕوانامەی پشکنینی کۆرۆنای لەگەڵدا نەبێت دەوڵەتی ئێران رێگایان پێنادات سەردانی ئێران بکەن و دەگەڕێندرێنەوە".

ئاماژە بەوەشکراوە "بۆیە تاکو هاوڵاتییانی خۆشەویست تووشی گرفت و زەحمەتی رێگە نەبن، داوا لە هەموو گەشتیارە بەڕێزەکان دەکەین بەبێ هەبوونی بڕوانامەی پشکنینی کۆرۆنا بە مەبەستی چوون بۆ وڵاتی ئێران سەردانی دەروازەی نێودەولەتی حاجی ئۆمەران نەکەن، چونکە رێگایان پێنادرێت".

س.س