مەودا میدیا- 

بڕیارە کۆتایی ئەم هەفتەیە سەرۆکی نوێی ئێران سوێندی یاسایی بخوات، بۆ ئەم مەبەستەش هەردوو سەرۆک کۆماری عیراق و سەرۆکی هەرێمی کوردستان سەردانی ئێران دەکەن و لە مەراسیمەکە ئامادە دەبن.

بەپێی ئەو زانیاریانەی میدیاکانی تاران بڵاویانکردووەتەوە، بڕیارە رۆژی سێشەممە 3ی ئابی 2021 عەلی خامنەیی، رێبەری شۆڕشی ئیسلامیی ئێران دەسەڵاتەکانی ئیبراھیم رەئیسی پەسەند دەکات، هەروەها رۆژی پێنجشەممە 5ی ئابی 2021 رەئیسی وەک ھەشتەمین سەرۆک کۆماری نوێی ئێران سوێندی یاسایی دەخوات.

بەپێی ئەو زانیاریانەی مەودا میدیا دەستی کەوتووە، هەریەک لە بەرهەم ساڵح، سەرۆک کۆماری عیراق و نێچیرڤان بارزانی، سەرۆکی هەرێمی کوردستان سەردانی ئێران دەکەن بۆ ئامادەبوون لە مەراسیمەکە.

س.س