مەودا میدیا-

بەڕێوەبەرایەتیی پۆلیسی پارێزگای سلێمانی دەستگیرکردنی تۆمەتبارێكی بە بڕێک مادەی هۆشبەرەوە راگەیاند، هەروەها دەستیش بەسەر  بڕی 250 کیلۆگرام مادەی هۆشبەردا لە جۆری كریستاڵدا گیرا.

لە راگەیەندراوەکەی پۆلیسی سلێمانیدا هاتووە "مەفرەزەکانی بەڕێوەبەرایەتیی پۆلیسی پارێزگای سلێمانی – نووسینگه‌ی‌ ڕۆژهه‌ڵاتی‌ بەشی پۆلیسی نەهێشتنی تاوان تۆمەتبارێكیان بە بڕێک مادەی هۆشبەرەوە دەستگیرکرد كە بازرگانی پێوە كردبوو".

ئاماژە بەوەشکراوە "پاش كۆكردنەوەی زانیاری ورد لەسەر تۆمەتبارێك كە بازرگانی بە مادەی هۆشبەرەوە دەكرد، شەوی رابردوو مەفرەزەکانی نووسینگه‌ی‌ رۆژهه‌ڵاتی‌ بەشی پۆلیسی نەهێشتنی تاوان توانییان تۆمەتبارەكە دەستگیر بكەن، لەكاتی دەستگیركردنی تۆمەتبارەكەدا دەستیشگیرا بەسەر بڕی (250 گرام) مادەی هۆشبەردا لە جۆری كریستاڵ".

ئەوەشی خستەڕوو "لەئێستادا تۆمەتبار (پ، ع، أ لەدایكبووی 1991) بەبڕیاری بەڕێز دادوەرو بەپێی ماددەی ١٤ی تایبەت بەمادە هۆشبەرەکان ڕاگیراوە و لێکۆڵینەوە لەگەڵیدا بەردەوامە".

س.س