مەودا میدیا- سازگار ئەحمەد

نیوەڕۆی ئەمڕۆ ئاگر لە کەمپی چەمشکو لە قەزای زاخۆی سەر بە پارێزگای دهۆک کەوتەوە، بەرگریی شارستانی دهۆک توانی ئاگرەکە کۆنتڕۆڵ بکات، ئاگرەکە تەنها زیانی مادی هەبووە.

بێوار عەبدولعەزیز، وتەبێژی بەرگریی شارستانی دهۆک بە مەودا میدیای راگەیاند "نیوەڕۆی ئەمڕۆ چوارشەممە 18ی ئابی 2021 ئاگر لە کەمپی چەمشکو لە قەزای زاخۆی سەر بە پارێزگای دهۆک کەوتەوە، لەئەنجامدا دوو خێمە سوتاون".

ئاماژەی بەوەشکرد "بەرگریی شارستانی دهۆک توانیویەتی ئاگرەکە کۆنتڕۆڵ بکات، ئاگرەکە تەنها زیانی مادی هەبووە، هەروەها لیژنەیەک پێکهێنراوە بۆ زانیان هۆکاری رووداوەکە و دیاریکردنی زیانە مادییەکان".

س.س