مەودا میدیا-

وته‌بێژی وه‌زاره‌تی ته‌ندروستیی حكومه‌تی هه‌رێمی کوردستان روونکردنەوەیەکی بڵاوکردەوە و رایگەیاند، به‌پێچه‌وانه‌وه‌ رێژه‌ی تووشبووانی کۆرۆنا به‌ رێڕه‌وی راست ده‌ڕوات و تا راده‌یه‌كیش نزمبوونه‌وه‌ی به‌خۆیه‌وه‌ بینیوه‌.

ئاسۆ حه‌وێزی، وته‌بێژی وه‌زاره‌تی ته‌ندروستیی حکومەتی هەرێمی کوردستان له‌رونكردنه‌وه‌یه‌كدا رایگه‌یاند، ماوه‌یه‌كه‌ هه‌رێمی كوردستان به‌ شه‌پۆڵێكی به‌ربڵاوی ڤایرۆسی كۆرۆنا تێپه‌ڕده‌بێت، سه‌باره‌ت به‌و ده‌نگۆیانه‌ی به‌ناوی ئێمه‌ بڵاوكراوه‌ته‌وه‌ كه‌ گوایه‌ "هه‌رێمی كوردستان ئێستا گه‌یشتوه‌ته‌ هێڵی سور، به‌ پێچه‌وانه‌وه‌ ده‌توانین بڵێین له‌ كاتی ئێستادا رێژه‌ی تووشبووانی کۆرۆنا به‌ رێڕه‌وی راست ده‌ڕوات و تا راده‌یه‌كیش نزمبوونه‌وه‌ی به‌خۆیه‌وه‌ بینیوه‌".

ئامەژەی بەوەشکرد "بۆئه‌وه‌ی رێژه‌ی تووشبووانی رۆژانه‌ زیاتر نزم ببێته‌وه‌ پێویسته‌ هاوڵاتییان پابه‌ندی رێنماییه‌كان بن و په‌له‌ بكه‌ن له‌ ناو تۆماركردن بۆ وه‌رگرتنی ڤاكسین، چونكه‌ تا زیاتر ژماره‌ی تۆماركراوانی رۆژانه‌ به‌ ڤایرۆسی كۆرۆنا كه‌م نه‌بێته‌وه‌ حاڵه‌ته‌ خراپه‌كانیش كه‌منابێته‌وه‌ و رێژه‌ی مردنیش به‌رده‌وام به‌رز ده‌بێت".

ر. ر