مەودا میدیا-

وتەبێژی بەڕێوەبەرایەتیی پولیسی  هەڵەبجە رایگەیاند، هاوڵاتییەك كە پیشەی مامۆستایە كۆتای بەژیانی خۆیهێنا و لێكۆڵینەوەش لە رووداوەكە دەستیپێكردووە.

ئەمڕۆ شەممە بەرزان عوسمان محمد، وتەبێژی بەڕێوەبەرایەتیی پولیسی هەڵەبجە بڵاویكردەوە، بەرەبەیانی ئەمڕۆ شەممە 21 ئابی 2021، لەگەڕەكی شارەوانی ژنیكی تەمەن 35ساڵ بەناوی (ن. ا.م) پیشە مامۆستا لەماڵی خۆیان كوتای بەژیانی خۆی هیناو خۆی خنكاندووە.

ئەوەشی خستووتەڕوو، پاش گەیشتنی تیمی لێكوڵینەوەی پولیس دۆسیە بۆ رووداوەكە لەبنكەی پولیسی شەهید سەركار رێكخرا وتەی كەسوكاری كۆچكردوو وەرگیرا رایانگەیاند، كەبارودۆخی دەرونی جێگیر نەبووە ماوەیەكە توشی نەخۆشی بووە ودەستكراوەبە لێكۆڵینەوە لە هۆكاری گیانلەدەستدانی.

ر. ر