مەودا میدیا-

ئەمڕۆ شەممە به‌ ھۆكارێكی نادیار ئاگر له‌ به‌شێكی دارستانه‌كانی ناوچه‌ گه‌شتیاریه‌كانی قه‌شقۆڵی كه‌وته‌وه‌ لە قەزای دوکانی سەر بە پارێزگای سلێمانی، زیانێکی زۆر بە سروشتی ناوچەکە کەوتووە.

سه‌رۆكایه‌تی شاره‌وانی دوكان ئەمڕۆ شەممە 21ی ئابی 2021 بڵاویكرده‌وه‌ و رایگەیاند "به‌ ھۆكارێكی نادیار ئاگر له‌ به‌شێكی دارستانه‌كانی ناوچه‌ گه‌شتیاریه‌كانی قه‌شقۆڵی كه‌وته‌وه‌ و به‌شێكی دره‌خته‌كانی مۆنۆمێنتی ئه‌نفالكراوانی دۆڵی جافایه‌تیشی گرتوه‌ته‌وه‌".

ئاماژه‌ى به‌وه‌شکراوە "زیانێكی زۆری گه‌یاند به‌ دره‌خته‌كان و ژینگه‌ی ناوچه‌كه‌، دواتر له‌لایه‌ن به‌رگریی شارستانی ئاگركوژێنه‌وه‌ و به‌شێك له‌ ھاوڵاتییانی خه‌مخۆری ناوچه‌كه‌ توانرا ئاگره‌كه‌ كۆنتڕۆڵ بكرێت".

شاره‌وانی دوكان باسی لەوەشکردووە "ھیوادارین ھێزه‌ ئه‌منیه‌كان و لایه‌نه‌ په‌یوه‌ندیداره‌كان لێكۆڵینه‌وه‌ی ورد ئه‌نجام بده‌ن له‌سه‌ر چۆنێتی ئاگركه‌وتنه‌وه‌كه‌".

س.س