مەودا میدیا-

وەزارەتی دارایی و ئابوریی حکومەتی هەرێمی کوردستان رایگەیاند، سبەینێ مووچەی دیوانی وەزارەتی پێشمەرگە و لیواکان دابەشدەکرێت.

دابەشکردنی مووچەی فەرمانبەرانی هەرێمی کوردستان لە ئەمڕۆ چوارشەممەوە دەستی پێکردووە و وەزارەتی تەندروستی حکومەتی هەرێمی کوردستانیش ئەمڕۆ وەک یەکەم وەزارەت مووچەی وەرگرت، وەزارەتی دارایی و ئابوریی حکومەتی هەرێمی کوردستان رایگەیاند، سبه‌ینێ پێنجشەممە 26ی ئابی 2021، مووچه‌ی مانگی(هەشت)ئابی دیوانی وەزارەتی پێشمەرگە و لیواكان بەبێ لێبڕێن دابەش دەكرێت.

لە مانگی رابردووەوە لێبڕین لەسەر مووچەی فەرمانبەران لابراوە و بڕیاردراوە بۆ لەمەودوا دابەشکردنی مووچە بە بێ لێبڕین بێت، لای خۆشییەوە جوتیار عادل، وەتەبێژی حکومەتی هەرێمی کوردستان رایگەیاند، بە پێی ئەو داهاتەی لە بەردەستدایە مووچە بە بێ لێبڕین دابەش دەکرێت. 

ر. ر