مەودا میدیا-

بەڕێوەبەرایەتیی پۆلیسی پارێزگای هەولێر دەستگیرکردنی کەسێکی راگەیاند بە تۆمەتی بازرگانیکردن بە مادەی هۆشبەرەوە، دەستیش بەسەر شەش کیلۆ مادەی هۆشبەردا گیراوە.

موقەدەم ھێمن سلێمان، وتەبێژی بەڕێوەبەرایەتیی پۆلیسی پارێزگای دهۆك لە کۆنگرەیەکی رۆژنامەوانیدا رایگەیاند "دوای ئەوەی زانیاری بە پۆلیسی ئامێدی گەیشت كە كەسێك لە شارەدێی شێلادزێ بازرگانی بە مادەی ھۆشبەرەوە دەكات، توانیان كاتژمێر 02:30 خولەكی بەرەبەیانی ئەمڕۆ پێنجشەممە 26ی ئابی 2021 ئەو كەسە لەناو ماڵی خۆیدا دەستگیر بكەن و دەست بەسەر شەش كیلۆ مادەی هۆشبەردا بگرن".

وتەبێژی بەڕێوەبەرایەتی پۆلیسی پارێزگای دهۆك ئاماژەی بەوەشكرد "بەپێی لێكۆڵینەوە سەرەتاییەكان ئەو مادەیەی دەستی بەسەردا گیراوە لە جۆری تلیاكە و ئەو كەسە بۆ بازرگانی پێوەکردبوو".

س.س