مەودا میدیا-

بەڕێوەبەری ئاوی سلێمانی رایگەیاند، کێشە تەکنیکییەکانی پڕۆژەی دووەمی ئاوی دوکان سلێمانی چارەسەر کراوە، لە ماوەی 20 کاتژمێری داهاتوودا دەست بەدابەشکردنەوەی ئاو دەکرێت.

ئەمڕۆ هەینی سەربەست عوسمان، بەڕێوەبەری بەڕێوەبەرایەتیی ئاوی سلێمانی بە مەودا میدیایی راگەیاند، کێشە تەکنیکییەکانی پڕۆژەی دووەمی ئاوی دوکان سلێمانی لە لایەن تیمەکانمانەوە چارەسەر کراوە، لە ماوەی 20 کاتژمێری داهاتوودا دەست بەدابەشکردنەوەی ئاو دەکرێت.

ئاماژەی بەوەشکرد، بەڵام بەهۆی پڕبوونەوەی خەزانەکانی ئاو رەنگە 20 کاتژمێر کاتی بووێت هەتا خەزانەکان پڕدەبنەوە و دووبارە ئاو بۆ گەڕەکەکان بەردەدرێتەوە بە پێی ئەو نۆرەیەی کە دیاری کراوە.

هاوکات سەبارەت بە گرفتی ئاوی دەوروبەری سلێمانی وەک (ئەڵڵای و بازیان و چەمچەماڵ) بەختیار تاهیر، بەڕێوەبەری ئاوی دەوروبەری سلێمانی بە مەودا میدیای راگەیاند، هەر لە دوێنێ ئێوەارەوە بەهۆی کارمەندانی ماندونەناسی بەڕێوەبەرایەتیی ئاوی سلێمانی کێشەکە چارەسەرکراوە.

ر. ر