مەودا میدیا-

لە عەلوەی شاری کەلار  لەنێوان دوو فرۆشیاردا شەڕ درووستدەبێت و وتەبێژی پۆلیسی گەرمیانیش دەڵێت، فرۆشیارێک کوژرا و بکوژەکەش خۆی رادەستی پۆلیس کرد.

ئەمڕۆ چوارشەممە هەشتی ئەیلولی 2021 عەلی جەمال قەدوری، وتەبێژی پۆلیسی گەرمیان بە مەودا میدیای راگەیاند "ئاگادارکراینەوە لە  بوونی شەڕ لە ناو عەلوەی شاری کەلار و لەنێوان دوو فرۆشیاردا کە یەکێکیان ئەوی دیکە بە چەقۆ برینداردەکات و دوای ماوەیەکی کورت بریندارەکە گیانلەدەستدەدات".

ئاماژەی بەوەشکرد "دوای ئەوەی هێزەکانی پۆلیس گەیشتنە شوێنی رووداوەکە تۆمەتبارەکە خۆی رادەستی پۆلیس کردوو و تەرمی کوژراوەکەش رەوانەی پزیشکی داد کراوە".

ر. ر