تەندروستی

ئەو خۆراکانەی شەکری خوێن هاوسەنگ دەکەنەوە

مەودا میدیا - سلێمانی |


ئەو خۆراکانەی شەکری خوێن هاوسەنگ دەکەنەوە
مەودا میدیا-


تووشبووانی نەخۆشی شەکرە پێویستە شێوازێکی ژیانی تایبەتییان هەبێت و تیایدا سیستمی خۆراکییان رێکبخەن بۆئەوەی کۆنترۆڵی شەکری خوێنیان بکەن، لەوبارەیەوە ماڵپەڕی  Sputnik باشترین پێنج خۆراکی بڵاوکردوەتەوە.

یەکەم: سەوزە
گەڵا سەوزەکانی وەکو سپێناغ، کاهو، برۆکلی و جۆرەکانی دیکە، بەسوودن و رێژەیەکی کەم لە کالۆرییان تێدایە، دژە ئۆکسانن و یارمەتی هاوسەنگڕاگرتنی شەکری خوێن دەدەن.

دوەم: هێلکە
دەوڵەمەندە بە کۆلیسترۆڵی سوودبەخش، هەوکردن کەمدەکاتەوە، چارەسەری هەستیاری ئینسۆلین دەکات، لە توێژینەوەیەک دەرکەوتوە رۆژانە خواردنی دو هێلکە شەکری خوێن هاوسەنگ دەکات لەو کەسانەی تووشبووی نەخۆشی شەکرەن.

سێیەم: رۆن ماسی
بەتایبەتی ماسی ساردین و سەلەمون سەرچاوەیەکی دەوڵەمەندن بە ئۆمێگا-3 و ترشە چەوری، مەترسی نەخۆشی دڵ و جەڵتەی مێشک کەمدەکاتەوە لە تووشبووانی شەکرە.

چوارەم: ماست
بەتایبەتی ئەو ماستانەی کەمچەوری نین، رۆڵیان هەیە لە هاوسەنگکردنی شەکرە، کێشی جەستە دادەبەزێنێت.

پێنجەم: زەردەچەوە
یەکێکە لە باشترین جۆرەکانی بەهارات، گرنگترین سوودی ئەوەیە هەوکردن کەمدەکاتەوە و شەکری خوێن نزمدەکاتەوە، دژە ئۆکسانە و مەترسی نەخۆشی دڵ و گورچیلە کەمدەکاتەوە.

ر. ر