مەودا میدیا-

وەزارەتی کارەبای حکومەتی هەرێمی کوردستان جێبەجێکردنی چەند پرۆژەیەکی بەرهەمهێنانی کارەبا بە وزەی خۆر لە هەرێمی کوردستان راگەیاند، ئاماژە بەوەشکراوە ئەو  پرۆژانە زیاتر لە نەخۆشخانە، قوتابخانە، کەمپی شێخان، زانکۆی دهۆک و دواترینیان لە گوندێ رێزان جێبەجێ کراون.

لە راگەیەندراوەکەدا هاتووە "پرۆژەکانی وەبەرهێنانی کارەبا بە وزەی خۆر، هەرچەندە دامەزراندنیان تێچوونێکی زۆری پێویستە. بەڵام بە تێپەڕبوونی کات کەمترین تێچوونیان هەیە و ژینگەپارێزترین پرۆژەکانی بەرهەمهێنانی کارەبان".

ئاماژە بەوەشکراوە "چەندین پرۆژەی بەرهەمهێنانی کارەبا بە وزەی خۆر لە هەرێمی کوردستان جێبەجێکران، ئەم پرۆژانە زیاتر لە نەخۆشخانە، قوتابخانە، کەمپی شێخان، زانکۆی دهۆک و دواترینیان لە گوندێ رێزان جێبەجێ کراون".

ئەوەشخراوەتەڕوو "وەزارەتی کارەبا لە پلان و ستراتیژییەکانیدا گرنگییەکی تایبەتی بە بەرهەمهێنانی کارەبا بە وزەی خۆر داوەو بەتوانای 75 مێگاوات کارەباش سێ پڕۆژەی چووە قۆناغی جێبەجێکردن، هەر هاوڵاتییەک کە پرۆژەی بەرهەمهێنانی کارەبا بە وزەی خۆری هەبێت، دەتوانێت کارەباکەی بە تۆڕی نیشتمانی ببەستێتەوە و کرێی فرۆشتنی کارەباکەی وەربگرێتەوە".

ەزیری کارەبا لە کاتی کردنەوەی پڕۆژەی بەرهەمهێنانی کارەبا بە وزەی خۆر لە رێزان وتی "بە پشتیوانیی سەرۆکی حکومەتی هەرێمی کوردستان گرنگی بەم پرۆژانە دەدەین، کە لە داهاتوودا پلانمان هەیە لە 20% ی بەرهەمهێنانی کارەبا بە وزەی خۆر بێت، چەند دیمەنێک لە کردنەوەی پرۆژەی بەرهەمهێنانی کارەبا بە وزەی خۆر لە گوندی رێزان".

س.س