مەودا میدیا- سازگار ئەحمەد

ئەندامێکی لیژنەی وزه‌ و سامانە سروشتییه‌كان و پیشه‌سازى و بازرگانی لە پەرلەمانی کوردستان رایدەگەیەنێت لەئێستادا لە هەرێمی کوردستان هاوردەکردن کەمبووەتەوە، ئاماژە بەوەشدەکات ئێمە جەخت لەسەر ئەوە دەکەینەوە بەرهەمی زیاتر هەناردەی دەرەوە بکەین.

جیهاد حەسەن دۆسکی، ئەندامی لیژنەی وزه‌ و سامانە سروشتییه‌كان و پیشه‌سازى و بازرگانی لە پەرلەمانی کوردستان بە مەودا میدیای راگەیاند "پێشتر هەناردەکردن لە هەرێمی کوردستان کەمبوو زیاتر هاوردەکردن هەبوو لە وڵاتانی دیکەوە بۆ هەرێمی کوردستان".

ئاماژەی بەوەشکرد "لەئێستادا لە هەرێمی کوردستان هاوردەکردن کەمبووەتەوە، چونکە زیاتر گرنگی دەدرێت بە بەرهەمی ناوخۆی بە تایبەت لە بواری کشتوکاڵ، هەروەها لە بواری پیشەسازیش پێشکەوتن هەیە".

ئەو ئەندامەی لیژنەی وزه‌ و سامانە سروشتییه‌كان و پیشه‌سازى و بازرگانی لە پەرلەمانی کوردستان وتی "ئێمە جەخت لەسەر ئەوە دەکەینەوە بەرهەمی زیاتر هەناردەی دەرەوەی هەرێمی کوردستان بکەین".

س،ر