مەودا میدیا-

بەڕێوەبەرایەتیی پۆلیسی هەولێر رایگەیاند، کەسێکیان بە تۆمەتی دزیکردن لە چەند ئارایشتگا و چێشتخانە و فرۆشگا و مارکێتێک دەستگیرکردووە. 

ئەمڕۆ شەممە دووی تشرینی یەکەمی 2021 بەڕێوەبەرایەتیی پۆلیسی هەولێر رایگەیاند "بەشی پۆلیسی نەهێشتنی تاوان نوسینگەی باکور تۆمەتبارێکیان بە ناوی (س.آ.ج) بە تۆمەتی دزیکردن لە چەندین چێشتخانە و فرۆشگا و ئارایشتگا و مارکێتێک دەستگیرکرد.

ئەوەشی خستووەتەڕوو، تۆمەتباری ناوبراو دانی بە تاوانەکەیدا ناوە و نۆ جار لە دوای کاتژمێر دووی سەرلەبەیانییەوە قاسەی ئەو شوێنانەی شکاندووە و پارە و مۆبایل و کۆمەڵێک کەلوپەلی دیکەی دزیوە، بۆیە پەڕاوی لێکۆڵینەوەی بۆ رێکخرا و رەوانەی دادگا کرا.

ر. ر