مەودا میدیا-

بەڕێوەبەری جێبەجێکاری کۆمپانیای دانەغاز رایدەگەیەنێت داهاتی  نەختینەیی لەهەرێمی کوردستان و عێراق بەتایبەت لە کێڵگەی کۆرمۆر زیادیکردووە، ئاماژە بەوەشدەکات  لە نۆ مانگی یەکەمی ئەمساڵ پشکی نەختینەیی کۆمپانیاکە بەرزبۆتەوە بۆ (256) ملیۆن دۆلارو لەو پشکەش پێویستە بیداتە هەرێمی کوردستان بڕی (131) ملیۆن دۆلارە.

پاتریک ئەلمان وارد، بەڕێوەبەری جێبەجێکاری کۆمپانیای دانەغاز رایگەیاند "خۆشحاڵین بە زیادبوون و بەرزبونەوەی داهاتی نەختینەیی لە هەرێمی کوردستان و عیراق بە تایبەت لە کێڵگەی کۆرمۆر بە پشتبەستن بەرزبونەوەی نرخی نەوت".

ناوبراو ئەوەشی خستووەتەڕوو "لە نۆ مانگی سەرەتای ئەمساڵدا پشکی نەختینەیی کۆمپانیاکە بەرزبووەتەوە بۆ (256) ملیۆن دۆلار، لەو پشکەش پێویستە بڕی 131 ملیۆن دۆلار بداتە هەرێمی کوردستان".

س،ر