مەودا میدیا-

پارێزگاری دهۆک رایدەگەیەنێت تائێستا هیچ سکاڵایەک نەبووە، ئاماژە بەوەشدەکات پرۆسەی دەنگدانی گشتی لە دهۆک بە باشی بەڕێوە دەچێت.

عەلی تەتەر، پارێزگاری دهۆک لە کۆنگرەیەکی رۆژنامەوانیدا رایگەیاند " پرۆسەی دەنگدانی گشتی لە دهۆک بە باشی بەڕێوە دەچێت، هەندێک کێشەی تەکنیکی لە ئامێرەکانی دەنگدان هەبووە و چارەسەر دەکرێن".

پارێزگاری دهۆک وتی " تائێستا هیچ سکاڵایەک نەبووە، هەروەها تا ئێستا لە 25% هاوڵاتییان بەشداری دەنگدانیان کردووە و داواش لە هاوڵاتییان دەکەین روو لە سندوقەکانی دەنگدان بکەن و بەشداری دەنگدان بکەن".

جێگای ئاماژەیە، بەیانی ئەمڕۆ 10ی تشرینی یەکەمی 2021 پرۆسەی دەنگدانی گشتی لە پارێزگاکانی هەریمی کوردستان و عیراق دەستیپێکرد و هاوڵاتییان روویان لە سندوقەکانی دەنگدان کرد.

س،ر