مەودا میدیا-

کۆمسیۆنی باڵای سەربەخۆی هەڵبژاردنی عیراق ئاشکرای کرد کە ماوەی 20 رۆژی دیکە ئەنجامی کۆتایی هەڵبژاردنی ئەنجومەنی نوێنەرانی عیراق رادەگەیەنن.

جومانە غەلای، وتەبێژی کۆمسیۆنی باڵای هەڵبژاردنەکانی عیراق بە رۆژنامەنووسانی راگەیاند "ئەگەر هەیە ئەنجامە بەراییەکانی هەڵبژاردن گۆڕانکاری بەسەردابێت، هەروەها ئەنجامی کۆتایی هەڵبژاردنیش دوای 20 رۆژی دیکە رادەگەیەنین".

وتەبێژی کۆمسیۆن ئەوەشی خستەڕوو "لە دوێنێ سێشەممەوە 12ی تشرینی یەکەمی 2021 دەرگای پێشکەشکردنی تانە لە ئەنجامەکان کراوەتەوە و تا ماوەی سێ رۆژی دیکە تانەی لایەنەکان وەردەگرین".

جێگای ئاماژەیە، رۆژی 8ی تشرینی یەکەمی 2021 دەنگدانی تایبەت لە سەرجەم پارێزگاکانی عیراق و هەرێمی کوردستان بۆ هەڵبژاردنی ئەنجومەنی نوێنەرانی عیراق بەڕێوەچوو، هەروەها رۆژی 10ی تشرینی یەکەمی 2021 دەنگدانی گشتی بەڕێوەچوو.

س،ر