مەودا میدیا-

بەڕێوەبەرایەتیی گشتیی تەندروستیی راپەڕین هۆشدارییەکی بەپەلەی بڵاوکردەوە و رایگەیاند،  بێدی بەتاڵ نەماوە بۆ نەخۆش و دۆخی کۆرۆنا گەیشتە ئاستێکی مەترسیدار.

ئەمڕۆ دووشەممە 17ی تشرینی یەکەمی 2021 لە راگەیەندراوێکدا بەڕێوەبەرایەتیی گشتیی تەندروستیی راپەڕین رایگەیاند "بەهۆی بەردەوامی بەرزبوونەوەی رێژەی تووشبووانی کۆرۆنا لە سنوری ئیدارەی راپەڕین و نەمانی شوێنی بەتاڵ بۆداخڵکردنی نەخۆشانی کۆرۆنا لە نەخۆشخانەی ژیان و سەنتەری کۆرۆنا لەقەڵادزێ".

 بەڕێوەبەرایەتیی گشتیی تەندروستیی راپەڕین هۆشداری دەداتە هاوڵاتییان و چەند بڕیارێک دەردەکات لەوانە: سەردانی نەخۆش بە هەموو شێوەیەک قەدەغەدەکات.

ئاماژەی بەوەشكرد" نەخۆش تەنها یەک هاوەڵی لەگەڵ دەبێت و رێگە تەنها بەیەک کەس دەدرێت بۆ داخڵبوون لەگەڵ نەخۆش لەناو نەخۆشخانەدا، باسی لەوەشكردووە، پێویستە هەموو ئەوانەی داخڵی ناو ناوەندە تەندروستییەکان دەبن پابەندی بەکارهێنانی پێداویستیە خۆپارێزیەکانبن".

ر. ر