مەودا میدیا-

بنكه‌ی سه‌ربازی ته‌نه‌فی هێزه‌كانی هاوپەیمانیی نێودەوڵەتی لە سێ کوچکەی سوریا،ئوردن و عیراق بە فڕۆکەی بێ فڕۆکەوان هێرشی کرایە سەر.

میدیا عیراقییەکان رایانگەیاند، درەنگانی شەوی رابردوو لەنێو خاكی سوریاوە لە رێگەی فڕۆكەی بێفڕۆكەوانەوە هێرشكراوەتەسەر بنكه‌ی سه‌ربازی ته‌نه‌ف كە دەكەوێتە سێگۆشه‌ی نێوان سنووره‌كانی سوریا، عیراق و ئوردن.

ئەوەش خراوتەڕوو، ئەو فڕۆكە بێفڕۆكەوانانە سێ پێگه‌ی بنكه‌ سه‌ربازییه‌كه‌ی هاوپەیمانانیان كردووەتە‌ ئامانج، تا ئێستاش زه‌ره‌ر و زیانه‌كانی نه‌زانراون.

لە لای خۆشییەوە روانگه‌ی سوری بۆ مافه‌كانی مرۆڤ بڵاویكردەوه‌‌، ئاگرێكی گەورە لە بنكەكە كەوتووەتەوە و ده‌نگی چه‌ند ته‌قینه‌وه‌یه‌كی بەهێزیش بیستراوه.

ر. ر