مەودا میدیا-

وه‌زیری كار و كاروباری كۆمه‌ڵایه‌تیی حکومەتی هەرێمی کوردستان رایگەیاند، ئێمە بە بەردەوامی خول بۆ گەنجانی هەرێم دەکەینەوە و خولەکانمان بۆ راهێنانی پیشەییە و هەوڵ دەدەین گەنجان فێری پیشەی جیاواز بکەین.

ئەمڕۆ پێنجشەممە 21ی تشرینی یەکەمی 2021 كوێستان محەمەد, وه‌زیری كار و كاروباری كۆمه‌ڵایه‌تیی لە کۆنگرەیەکی رۆژنامەوانیدا رایگەیاند "ئێمە بە بەردەوامی خول بۆ گەنجانی هەرێم دەکەینەوە و خولەکانمان بۆ راهێنانی پیشەییە، ئەنجومەنی وەزیران و وەزارەت دارایی پاڵپشتمانن بۆ ئەوەی ئەم خولانە بەردەوامبن، هەوڵ دەدەین گەنجان فێری پیشەی جیاواز بکەین".

باسی لەوەشکرد "تەنها لەم مانگەدا بڕوانامەمان بە 90 گەنج لە هەولێر و 68 گەنج لە سلێمانی و 26 گەنج لە هەڵەبجە بەخشیووە".

ئەوەشی خستەڕوو "هەوڵ دەدەین ئەم خولانە بەردەوامبێت و گەنجان فێری پیشەی جیاواز بکەین ئەو پیشانەی کە لە بازاڕدا خواستیان لەسەرە".

ر. ر