مەودا میدیا-

دەستەی کەشناسیی عیراق ئاشکرایکرد سبەینێ دووشەممە  ئاسمانی وڵات عیراق ساماڵ دەبێت و پلەکانی گەرماش لە ھەرێمی کوردستان و ناوچەکانی باشوور دادەبەزن.

لە راگەیەندراوێکدا دەستەی کەشناسیی عیراق رایگەیاند "سبەینێ دووشەممە 25ی تشرینی یەکەمی 2021 ئاسمانی عیراق ساماڵ دەبێت و پلەکانی گەرماش لە ھەرێمی کوردستان و ناوچەکانی باشوور دادەبەزن و لەشەودا لە ناوچەکانی ھەرێم پەڵە ھەور دروست دەبێت".

ئەوەشی خستووەتەڕوو "رەوشی کەشوھەوای رۆژی سێشەممە 26ی تشرینی یەکەمی 2021 ئاسمان ساماڵ دەبێت و لە ھەرێمی کوردستان و ناوەڕاستی عیراق پەڵە ھەور دروست دەبێت و پلەکانی گەرماش وەکو رۆژی رابردوو دەبێت، هەروەها رۆژی چوارشەممە 27ی تشرینی یەکەمی 2021 لە سەرجەم ناوچەکانی عیراق ئاسمان ھەور دەبێت و پلەکانی گەرماش لە ناوەڕاستی عیراق زیاتر دادەبەزێت".

وەک دەستەی کەشناسیی عیراق ئاماژەی پێکردووە، رۆژی پێنجشەممە 28ی تشرینی یەکەمی 2021 لە باران بارین لە بەشێک لە ناوچەکانی عیراق دەستپێدەکات بە تایبەت لە باشوور".

س،ر